رونالڈو نے سعودی عرب میں اپنے ذاتی میوزیم کا افتتاح کردیا

ویب ڈیسک  بدھ 29 نومبر 2023
یکم دسمبر سے میوزیم عوام کیلئے کھول دیا جائے گا (فوٹو: انسٹاگرام)

یکم دسمبر سے میوزیم عوام کیلئے کھول دیا جائے گا (فوٹو: انسٹاگرام)

پرتگال کے اسٹار فٹبالر کرسٹیانو رونالڈو نے سعودی عرب میں اپنے ذاتی میوزیم کا افتتاح کردیا۔

میوزیم سی آر 7 کے اکاؤنٹ سے فوٹو اَپ لوڈنگ سائٹ انسٹاگرام پر سعودی کلب النصر کے کپتان کرسٹیانو رونالڈو کی مجسمے کے ساتھ فوٹو کھنچوانے کی ویڈیو بھی شیئر کی۔

میوزیم میں رونالڈو کے کیرئیر میں حاصل کیے گئے انفرادی ایوارڈز کی نمائش کے علاوہ قومی ٹیم اور انکے سابقہ ​​کلبز کے ساتھ حاصل کیے گئے بڑے اعزازات کی تصاویر بھی نمایاں ہے۔

مزید پڑھیں: ’’رونالڈو کا ڈائٹ پلان ناسا کے سائنسدانوں نے تیار کیا ہے‘‘

اسٹار فٹبالر نے میوزیم کا دورہ ال اخود کے خلاف لیگ میچ میں غیر معمولی کارکردگی کے بعد کیا، اس میچ میں رونالڈو نے دو گولز کرکے ٹیم کو فتحیاب کروایا تھا۔

مزید پڑھیں: رونالڈو، میسی سے پرستاروں کا غزہ میں اسرائیلی جارحیت پر آواز اْٹھانے کا مطالبہ

رونالڈو اِن دو گولز کے ساتھ سعودی لیگ میں سب سے زیادہ گولز کرنے والے کھلاڑی بن گئے ہیں۔

میوزیم سی آر 7 یکم دسمبر سے عوام کیلئے کھول دیا جائے گا، جہاں اسٹار فٹبالر کے مداح انکی زندگی کیرئیر سے متعلق دلچسپ معلومات بھی حاصل کرسکیں گے۔

قبل ازیں سعودی انٹرٹینمنٹ اتھارٹی کے سربراہ ترکی الشیخ نے ریاض سیزن فیسٹیول کے دوران رونالڈو کا میوزیم بنانے کا اعلان کیا تھا۔


View this post on Instagram

A post shared by (@museucr7funchal)


View this post on Instagram

A post shared by (@museucr7funchal)

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔